स्थापना दिवसया लसताय् पत्रकारतय् प्रभातफेरी
नेपाल पत्रकार महासंघया न्य्यन्याक्वःगु स्थापना दिवसया लसताय् सोमवाः येँय् प्रभातफेरीया ग्वसाःग्वःगु दु । व्यावसायिक व भौतिक सुरक्षाया निंतिं पत्रकारिता, एकता, न्हूगु सविधान् पूर्ण प्रेस स्वतन्त्रताया माग यासें सोमवाः सुथय् प्रभातफेरी पिहांवःगु खः । प्रभातफेरी भृकुटीमण्डपं शुरु जुयाः पद्मोदयमोड, पुतलीसतक, बागबजाः जुयाः रत्नपार्कय् थ्यंकाः सभाय् हीउगु खः ।
सभायात सम्बोधन यानादिसें नेपाल पत्रकार महासंघया सभापति धर्मेन्द्र झां महासंघ स्थापनाकाल निसें हे प्रेस स्वतन्त्रताया पक्षय् ल्वानाच्वंगु धयादिसें देशय् महत्वपूर्ण परिवर्तनया आन्दोलनय् नं महासंघ अग्रमोर्चाय् च्वनाः आन्दोलन याःगु धयादिल ।
वय्कलं पत्रकारतय् हितया बारे महासंघं ल्ह्वंगु मागया बारे सरकार व राजनीतिक दलत गम्भीर मजूगु गुनासो प्वंकादिल । अथेहे वय्कलं इलय् हे संविधान च्वयेगु ज्या अन्यौलय् लानाच्वंगुलिं महासंघं निरन्तर दबाव बीगु धयादिल ।
थ्वहे झ्वलय् स्वनिगलं पिनेया थीथी जिल्लाय् नं प्रभातफेरी व थीथी ज्याझ्व: याना: महासंघया स्थापना दिवस हंगु दु ।
