नेपाली काँग्रेस सभापित

नेपाली काँग्रेसं सरकारं हःगु अध्यादेशयाबारे संबिधानसभाय् दुिपं राजनीतिक दललिसे सहलह यानाः सरकारी निर्णयया बिरोध यायेगु जानकारी ब्यूगु दु । काँग्रेसया सभापति गिरिजाप्रसाद कोईराला व छुं बरिष्ठ नेतातदथुइ थौं महाराजगाजया कोइराला निबासय् जूगु सहलहसं अध्यादेशया बिरोध यायेगु सहमति जूगु काँग्रेसं जानकारी ब्यूगु दु । सरकारं म्हिगः स्वंगू अध्यादेशत सार्वजनिक यायेवं हे थौं काँग्रेसया नेतातय्सं उकियाबारे सहलह याःगु खः । अध्यादेशया बिरोधय् काँग्रेसं मेगु थीथी दललिसेया सहलह व सहलहलिपा सदनया विशेष अधिवेशन सःतेत कुतः यायेगु जानकारी ब्यूगु दु ।