०४७ सालया संविधान लागू यायेत पुलांम्ह प्रम भट्टराईया इनाप

पुलांम्ह प्रधानमन्त्री कृष्णप्रसाद भट्टराईं २०४७ सालया हे संविधान लागू यायेत इनाप यानादीगु दु ।

आइतवाः बहनी छगू प्रेस विज्ञप्ति पिथनादिसें वय्कलं जेठ १४ गते दुने संविधान निर्माण जुइगु अवस्था मदुगु व अज्याःगु अवस्था वःसा देय् संविधान विहीन जुइगुलिं २०४७ सालया हे संविधान हानं लागू यायेत राजनीतिक दल व नागरिक समाजयात इनाप यानाद्यीगु दु ।

अथेहे विज्ञप्तिइ वय्कलं २०४७ सालया हे संविधान उत्कृष्ट जुसां उकीयात लागू जुइगु पर्याप्त अवसर हे मब्युसें हथाय्सं समाप्त याःगुलिं हे आः देशय् संवैधानिक व राजनीतिक रिक्तता उत्पन्न जूगु धयादिल । वय्कलं संविधानसभा दुनेया दलतय्सं हथाय्सं संघीयता, धर्म निरपेक्षता व गणतन्त्र घोषणा याःगु धयादिसें थ्व नेपाःया मौलिक पहिचान व आवश्यकताया विपरित जूगु नं धयादिल ।