'बहुमत हयाः सरकार दयेकी'
सत्तारुढ नेकपा (एमाले)या प्रभावशाली नेता केपी शर्मा ओलीं माओवादीयात सरकारया नेतृत्व यायेगु खःसा बहुमत हयाः सरकार निर्माण यायेत इनाप यानादीगु दु । वय्कलं माओवादी दकलय् तःधंगु दल जूगुलिं सरकारय् वनेत सुनां मपंगु धयादिसें फुसाः बहुमत हयाः सरकार गठन यायेत इनाप यानादिल ।
आइतवाः बाराया सिमरा विमानस्थलय् पत्रकारत नाप खँल्हाबंला यानादिसें वय्कलं माओवादी थःगु हे कारणं सरकार गठन यायेमफुगु धयादिल । वय्कलं माओवादीं बहुमत नं खाके मफुगु व माओवादीं सुयां समर्थन नं चाहे मजुइकं सरकार गठन यायेत स्वयाच्वंगु द्वपं बियादिल । माओवादीं बलजफ्ती सरकारय् वनेत स्वयाच्वंगु धयादिसें नेता ओलीं अझ नं माओवादीं बलजफ्ती व कब्जाया नीति मत्वःतुनीगु द्वपं बियादिल । नपां वय्कलं माओवादी सरकार कब्जा यानाः सत्ता कब्जा यायेत स्वयाच्वंगु द्वपं बियादिल ।
इलय् हे संविधान निर्माण मजुसाः संविधानसभाया तःधंगु दल कथं माओवादी जिम्मेवार जुइगु दावी वय्कलं यानादिल । संविधान निर्माणय् माओवादीया अप्व भूमिका दुगुलिं इलय् हे संविधान निर्माण मजुसाः तःधंगु पार्टीया हैसियतं जनतायात माओवादीं लिसः बिमाःगु बिचाः प्वंकादिल ।
