मधेशी जनाधिकार
मधेशी जनाधिकार फोरमया बैठक न्ह्यानाच्वंगु महाधिवेशनलिपा पार्टीया भाबी रणनीतिया विषयसं सहलह यायेत च्वंगु मधेशी जनाधिकार फोरमया बैठकं स्वम्हसित केन्द्रीय समितिइ थप याःगु दु थ्व स्वयां न्ह्यः माघया न्हापांगु वाः वीरगंजय् क्वचाःगु महाधिवेशनं स्वीन्याम्ह दुजः दुगु केन्द्रीय समिति ल्यःगु दुसा नायःसं उपेन्द्र यादव सर्वसम्मत जूगु खः । फोरमया केन्द्रीय ज्याकु शंखमुलय् थौं च्वंगु बैठकं पार्टीया ल्यू नायःसं कृषि मन्त्री नापं जुयाच्वनादीम्ह जयप्रकाश प्रसाद गुप्तायात ल्यःगु दुसा मू छ्यााजे राम सहाय यादव व दाँभरिइ शिक्षा मन्त्री जुयाच्वनादीम्ह रेणुकुमारी यादवयात ल्यःगु दु ।
थीथी विभागया कजि नापं ल्यःया संगठनात्मक विषयत थौंया बैठकं क्वःछ्यूगु दलया प्रमुख चेतक राम जनम चौधरीं जानकारी बियादीगु दु । बैठकय् पार्टी नायः उपेन्द्र यादवं समसामयिक अवस्था व पार्टीया भावि रणनितिबारे प्रतिवेदन न्ह्यब्वयादीगु खः । राजनैतिक प्रतिवेदन व समसामयिक विषयसं कन्हय्या बैठकय् सहलह जुइगु जानकारी बियादीगु दुसा बैठक कन्हय् सुथय् िझंछताः इलय् हाकनं च्वनीगु जानकारी ब्यूगु दु ।
