थौं विश्वन्यकं ब्ल्याक आउट

येँ (सन्ध्या टाइम्स)/विश्वन्यंकं थौं घौछि मत स्यानाः वृहत 'अर्थ आवर' दिवस न्यायेकीगु जूगु दु। विश्वव्यापी तापमान अप्वःगु नापं असामयिक जलवायु परिवर्तनबारे आः तक नं न्हाय्पनय् चिकं तयाः च्वंगु शक्ति राष्ट्रयात सचेत यायेगु नितिं थौं अथे ब्ल्याक आउट यानाः दिवस हनेत्यंगु खः। दँय्दसं न्यायेका वयाच्वंगु थ्व दिवसयात निरन्तरता बीत थुगुसी विश्वया प्रख्यात पर्यटन केन्द्रनाप मेमेगु महत्वपूर्ण थासय् मत स्यानाः दिवस हनेत्यंगु खः ।