थौं जातीय भेदभाव विरुद्ध र्याली
येँ (सन्ध्या टाइम्स)/जातीय विभेद विरुद्ध राष्ट्रिय मंचं थौं येँय् जातीय भेदभाव विरुद्ध दिवस हनेगु झ्वलय् र्याली पिकाःगु दु। रत्नपार्क लागां पिहांवःगु उगु र्याली येँया थीथी थासय् चाःहिलाः बसन्तपुली थ्यंकाः सभा याना क्वचायेकेगु ग्वसाः ग्वयातःगु दु। पीन्याक्वःगु जातीय विभेद दिवस हनेगु झ्वलय् अथे र्याली पिकाःगु खः। दँय्दसं मार्च २१ तारिक खुन्हु हना वयाच्वंगु उगु दिवसया इलय् थुगुसी पुलांम्ह प्रधानमन्त्री गिरिजाप्रसाद कोइराला मदयाः राष्ट्रिय शोक जुयाच्वंगुलिं थौं जक व दिवस हंगु खः ।
