सभासद्यात ह्विप मतयेत माग
येँ (सन्ध्या टाइम्स)/संविधानसभाय् पार्टीया ह्विप उल्लंघन याइम्ह सभामुखयात संविधासभाया सदस्य पदं चीके फइ धकाः आः नकतिनि याःगु ऐनया संशोधनयात आदिवासी जनजाति वृहत् संयुक्त मोर्चा, नेपालं विरोध याःगु दु ।
ऐन संशोधन यानाः थ्व व्यवस्था याःगु धइगु आः संविधानसभाया हरेक सभासदं न्हूगु संविधान दयेकेगु ज्याय् थःगु विवेक, विचार व मताधिकार छ्यलेगु ज्यायात तप्यंक हे याःगु हस्तक्षेप खः धाःगु दु। संविधान निर्माणया ज्याय् जनताया प्रतिनिधितय्सं थःगु मत प्रयोग याये मदइगु व जनप्रतिनिधित हानं छक्वः दलया कैदी दयेकाः स्वतन्त्र बिचाःयात प्रतिबन्ध तयेगु थ्व ज्या तत्काल लित कायेमाः धकाः नं मोर्चां माग याःगु दु ।
