मिसन टोलि व प्रधानमन्त्री
प्रधानमन्त्री पुष्पकमल दाहाल प्रचण्डं पत्रकारतय्गु सुरक्षा व प्रेस स्वतन्त्रताप्रति सरकार प्रतिबद्ध दुगु धयादीगु दु । नेपाःया प्रेस स्वतन्त्रताया अवस्थाबारे अध्ययन यायेत वःगु पत्रकारतय्गु अन्तर्राष्ट्रिय मिडिया मिसनलिसेया नापलाये ज्याय् प्रधानमन्त्री पुष्पकमल दाहाल प्रचण्डं लोकतन्त्रया आधारभूत सिद्धान्त हे स्वतन्त्र पत्रकारिता जूगुिलं उकिया संरक्षण व संबद्र्धन यायेत सरकार प्रतिबद्ध दुगु धयादीगु दु । मिसनं ल्ह्वंगु फुक्क खँ सकारात्मक जूगु प्रधानमन्त्रीया धापू दु । लिसलय् मिसनं प्रधानमन्त्रीं न्वंवानादीगु फुक्क खँ व्यवहारय् हयेत इनाप यानादिसें लिपा नं अनुगमन यानाच्वनेगु धयादीगु दु ।
थ्वहे झ्वलय् मिडिया मिसनं थौं हे पत्रकारतय्गु सुरक्षा अवस्थाबारे गृह छ्यााजे गोबिन्द कुसुम शसस्त्र प्रहरीया महानिरिक्षक बासुदेव ओली जनपथ प्रहरीया महानिरिक्षक हेमबहादुर गुरुङ्ग व अनुसन्धान विभागया प्रमुख धनबहादुर कार्कीलिसे नं जानकारी कयादीगु दु । थ्व स्वयां न्ह्यः मिसनया पुचलं नेपाली कांग्रेसया सभापति गिरिजाप्रसाद कोइरालालिसे सहलह यानादीगु खः ।
