श्रेष्ठ प्रधानन्यायाधीशय् नियुक्त

राष्ट्रपति डा. रामवरण यादवं आइतवाः सर्वोच्च अदालतया वरिष्ठ न्यायाधीश रामप्रसाद श्रेष्ठयात प्रधानन्यायाधीशय् नियुक्त यानादीगु दु । राष्ट्रपति यादवं नेपाःया अन्तरिम संविधान २०६३ बमोजिम संवैधानिक परिषद्या सिफारिस कथं सर्वोच्च अदालतया न्यायाधीशय् श्रेष्ठयात नियुक्त यानादीगु खः । राष्ट्रपति भवन शितल निवासय् जूगु छगू ज्याझ्वःया दथुइ राष्ट्रपति यादवं श्रेष्ठयात पद व गोपनीयताया शपथ ग्रहण याकादीगु खः ।

न्हूम्ह प्रधानन्यायाधीशं शपथ ग्रहण लिपाः पत्रकारत नाप खँल्हाबंला यानादिसें न्यायपालिका संसदया मातहत तःसा निरंकुशा हावी जुइगु धयादिल । वय्कलं संसदया मातहत जुसाः न्यायपालिका जक मखसें संचार लगायत छुं नं क्षेत्र सुरक्षित मजुइगु धयादिल ।

वय्कलं आइतवाः हे सर्वोच्च अदालत वनाः पदभार ग्रहण यानादीगु खः ।