माओवादीं हिंसा त्वःतुसाः सरकारया नेतृत्व सम्भव : ओली
नेकपा (एमाले)या नेता केपी शर्मा ओलीं माओवादीं हिंसात्मक गतिविधि त्याग याःसा सरकारया नेतृत्व यायेफइगु खँ धयादीगु दु । वय्कलं माओवादी नेतातय्सं न्ह्यवलें नं ल्वाभःया भाय् न्ववाइगु धयादिसें माओवादीं विद्रोहया खँल्हाना जनतायात ख्याय्त स्वयाच्वंगु द्वपं बियादिल । नापं वय्कलं माओवादीं हिंसा त्याग मयातल्ले नागरिक पार्टी जुइमफइगु दावी यानादिल ।
कार्यकर्ता नापलायेत शनिवाः कञ्चनपुरया महेन्द्रनगर थ्यंकादीम्ह ओलीं राष्ट्र निर्माणया अभिभारा एमालेया ब्वलय् वःगु धयादिसें एमाले दक्व नाप सहकार्य यानाः न्ह्याः वनीगु धयादिल । वय्कलं एमालेया ब्वलय् वःगु जिम्मेवारी पूवंकेत कार्यकर्तातय्त छप्पँ जुयाः राष्ट्रयात न्ह्यने यंकेत निर्देशन नं बियादिल ।
मेगू छगू प्रशंगय् वय्कलं पुलांम्ह जुजु ज्ञानेन्द्रं सीधुंकूगु राजतन्त्र हानं म्वानावयेफु धकाः ब्यूगु अभिव्यक्तियात ज्ञानेन्द्रया म्हगस जक जूगु धयादिसें थ्व गवलें पूवने मफइगु दावी यानादिल ।
