एमालेया जनजाति कार्यकर्ताया भावना

सत्ता साझेदार पार्टी नेकपा एमाले दुने या जनजाति कार्यकर्तातय्सं यदि पार्टीं जातीय मामिलाय् सही लँपु मज्वन धाःसा बुटवलय् जुइगु पार्टीया च्याक्वःगु महाधिवेशनय् हे दुर्घटना जुइफु धकाः ख्याच्वः बिउगु दु । जनजाति कार्यकर्तातय्सं बिउगु थ्व ख्याच्वः धाथें नं ग्यानापुगु विषय खः । पार्टी नेतृत्वं थुकियात गम्भीर रुपं कायेमाःगु आवश्यकता दु । यदि पार्टीं थुकियात हल्का रुपं काल धाःसा थुिकं एमालेयात पाताल प्रवेश याकीगु ला द हे दु उकिया नापनापं देशयात नं हानं छक्वः अस्थिर याना बीगु नं खतरा दु । जाति भाषा सम्बन्धी नीतिइ ढुलमुल जूगु कारणं हे एमाले संविधानसभाया चुनावय् स्वंगूगु थासय् कुहां वःगु खःसा यदि आः नं अज्याःगु हे ढुलमुल नीति ज्वन धाःसा थ्वयात मतदातां जक मखु थः हे कार्यकर्तां तकं परित्याग याना वनीगु संकेत आः स्पष्ट रुपं हे खने दयावःगु दु ।

जनजातितय्सं ल्ह्वना वयाच्वंगु पहिचान सहितया संघीय प्रणाली साकार जुइगु ई धइगु थ्वहे खः । यदि थ्व इलय् उमिगु म्हगस पूमवन धाःसा उिकं भविष्यय् वनाः हानं मेगु कथंया विद्रोह पिकया बीगु उतिकं खतरा दु । जनजातितय्सं थौंकन्हय् यानाच्वंगु माग धइगु उमिगु अस्तित्वलिसे सम्बन्धित खँ खः । उिकं थुकी उमिगु भावनात्मक स्वापू गुलि तक दइगु खः उकियात एमाले थेंज्याःगु जिम्मेवार पार्टीं थुइके हे माः । यद्यपि थौंकन्हय् दुगु तःधंगु दलत मध्यय् जातीय मामिलाय् दकलय् अनुदार दल धइगु एमाले हे खः । वयागु नीित बांलानाच्वंसां व्यवहारय् धाःसा न्ह्याबलें जनतायात झंगः लायेगु एमालेया स्वभाव दु । आः एमाले थज्याःगु प्रवृत्तिं पिहां वयाः ज्या यायेमाःगु आवश्यकता दु ।

More Stories Like this