थीथी थासय् जूगु सतक दुर्घटनाय् झिंछम्ह सित
शनिवाः सुथय् तारुका पाखें दमौली वनाच्वंगु छगः बस दुर्घटना जुयाः निम्ह सीगु दुसाः न्हय्म्ह घाःपाः जूगु दु । ना. ३. ख. ७००० नम्बरया बस शनिवाः सुथय् क्यामिन गाविसया कात्तिकेचौरय् दुर्घटना जूगु खः । दुर्घटनाय् लानाः ब्यास-२ निवासी स्वीन्यादँया ऋषि अधिकारी व क्यामिन-९ निवासी झिंप्यदँया संजोग गुरुङ सीगु खँ जिल्ला प्रहरी ज्याकू तनहुँ धाःगु दु । दुर्घटनाय् लानाः घाःपाः जूपिं न्हय्म्हेसित क्यामिन स्वास्थ्यचौकीलय् वासः याकातःगु दु ।
अथेहे शुक्रवाः बहनी सिन्धुपाल्चोकया ठोकर्पा गाविसय् जूगु बस दुर्घटनाय् गुम्ह सीगु दुसाः नीन्याम्ह घाःपाः जूगु दु । सिन्धुपाल्चोकं काभ्रेय् विद्युत ट्रान्सफर्मर ज्वना वनाच्वंगु बा. २. ख. ३०९या बस सतकं करिब ६० मिटर क्वये कुतुवनाः दुर्घटना जूगु खँ जिल्ला प्रहरी ज्याकू सिन्धुपाल्चोकं धाःगु दु । घाःपाः जूपिंत भ्वतय् च्वंगु सीरमेमोरिएल अस्पालय् वासः याकातःगु व उपिं मध्ये गम्भीर घाःपाः जूपिं स्वम्हेसित यलया बी एण्ड बी अस्पालत हःगु दु ।
