राष्ट्रपति यादव पाखें योग शिविरया उल्लेज्या

राष्ट्रपति डा. रामवरण यादवं योगगुरु रामदेव पाखें संचालित योग शिविरया शनिवाः सुथय् उल्लेज्या यानादीगु दु । सुथय् न्याताः इलय् राष्ट्रपति यादव शिविरय् थ्यंकाः उगु योग शिविरया उल्लेज्या यानादीगु खः । शिविर उल्लेज्या यानादिसें वय्कलं नेपाःया जडिबुटीया उपयोग यानाः देय्या आर्थिक अवस्था सुधार यायेफइगु खँ धयादिसें स्वामी रामदेवया योगदानया बारे चर्चा यानादिल । वय्कलं योग यानाः यक्वः ल्वचं मुत्ति दइगुलिं थ्व अभियान बालांगु ज्या जूगु धयादिल ।