सिमानाय् अप्पा हानाहान

येँ (सन्ध्या टाइम्स)/नवलपरासीया नेपाः-भारत सीमाय् म्हिगः स्थानीय नेपाली नागरिक व भारतीय सीमा सुरक्षा बल एसएसबी दथुइ अप्पां कयेकाः ल्वापु जूगु दु। भारतं सामान न्यानाः नेपाः वयाच्वंपिं निम्ह नेपाःमितय्त पनाः न्यनेकने यानाच्वंगु इलय् भारतं लिहां वःपिं नेपाःमितय् ल्याः अप्वः खायेवं अन एसएसबीलिसे ल्वापु शुरु जूगु खः। उकी लानाः निम्ह नेपाली नागरिक घाःपाः जूगु दु। भारतीय सेनां नेपाःमितय् अपमान यात धकाः उगु ल्वापु जूगु खः ।