प्रधानन्यायाधीश पदय् रामप्रसाद श्रेष्ठ ल्यल

येँ (सन्ध्या टाइम्स)/सर्वोच्च अदालतया प्रधानन्यायाधीश पदय् रामप्रसाद श्रेष्ठ नियुक्त जुयादीगु दु। संसदीय विशेष सुनुवाई समितिं वय्कःयात छगू हे मतं प्रधानन्यायाधीश कथं स्वीकृत बीगु निर्णय याःगु खः। समितिइ न्यंगु न्ह्यसःया लिसः बिसें वय्कलं देशय् न्याय तसकं थिके जुयाच्वंगु खँयात स्वीकार यासें थःगु कार्यकालय् उकियात सुधार यायेगु कुतः याये धयादिल ।