आर्य नामसंगीति पर्व न्यायेकीगु

यल (सन्ध्या टाइम्स)/शाक्यमुनि बुद्धं आर्य मञ्जुश्री नामसंगीति देशना यानाबिज्याःगु न्हियात लुमंकाः थ्वहे वइगु चैत्र पुन्हि कुन्हु न्याक्वःगु आर्य मञ्जुश्री नामसंगीति पर्व न्यायेकीगु जूगु दु। थ्व लसताय् वइगु चैत्र १४ गते शनिवाःनिसें थीथी ज्याझ्वः याइगु ग्वसाः दु। थुगु पर्व न्यायेकेगु लागिं आनन्द महिला समूह इखाछेँपाखें अष्टकुमारी शाक्यया संयोजकत्वय् छगू समारोह समिति गठन याःगु दु। थ्व लसताय् थीथी आर्य मञ्जुश्री नामसंगीति खलः पुचःपाखें हिदान, आर्य नामसंगीति तुतः पाठ, पुजा, बाजं थानाः नगर परिक्रमा आदि थेंज्याःगु ज्याझ्वःत याइगु ग्वसाः दु। ज्याझ्वलय् ब्वति कयाः समारोह झःझः धायेकेत ग्वसाः खलकं सकसितं इनाप याःगु दु ।