'शक्तिशाली मखु'

येँ (सन्ध्या टाइम्स)/ एमालेया महासचिव ईश्वर पोखरेलं पार्टी दुने आः नकतिनि जूगु कार्य विभाजनं थः शक्तिशाली जूगु मखु धयादीगु दु। पार्टीया शक्तिशाली नेता अध्यक्ष झलनाथ खनाल हे खः व थःपिं वय्कःया निंतिं ज्या याइपिं खः धासें वय्कलं कार्य विभाजनयात मथूपिंसं थःगु शक्ति अप्वल धकाः प्रचार याःगु बिचाः नं प्वंकादीगु दु। वय्कःयात पार्टीं संगठन विभागया जिम्मा बिउगु खः ।