ज्ञानेन्द्रया अभिव्यक्ति विरुद्ध प्रदर्शन

पुलांम्ह जुजु ज्ञानेन्द्र शाहं राजतन्त्रया अन्त्य मजुनी धकाः ब्यूगु अभिव्यक्तिया विरुद्ध शुक्रवाः अखिल क्रान्तिकारीं दाङय् प्रदर्शन याःगु दु । प्रदर्शनकारीतय्सं दाङया महेन्द्र बहुमुखी क्याम्पस न्ह्यने टायर च्याकाः प्रदर्शन याःगु खः ।

प्रदर्शन लिपाः जूगु कोणसभाय् न्ववानादिसें क्याम्पसया स्ववियु सभापति प्रविण शर्मां देशय् राजतन्त्र अन्त्य जुइधुंकाः नं पुलांम्ह जुजु शाहं राजतन्त्र समाप्त मजुनी धकाः ब्यूगु अभिव्यक्ति आपत्तिजनक जूगु व शाहं थ्व धापू तत्काल लितकायेमाःगु माग यानादीगु खः ।

अथेहे सभाय् न्ववाःपिं मेपिं विद्यार्थी नेतातय्सं शाहयात कारवाही यायेत सरकार नाप माग याःगु दु ।