संवैधानिक समितिया बैठक अनिश्चितकालया निंतिं स्थगित

ज्या मदेवं संवैधानिक समितिया बैठक अनिश्चितकालया निंतिं स्थगित जूगु दु । सिंहदरवारय् शुक्रवाः सुथय् च्वंगु समितिया बैठकय् मदुम्ह कांग्रेस सभापति गिरिजाप्रसाद कोइरालाया प्रति शोक प्रस्ताव पारित यानाः स्थगित जूगु खः ।

न्हूगु संविधानया एकीकृत मस्यौदा च्वयेगु जिम्मेवारी दुगु समितियात संविधानसभां थप छुं नं समितिया मस्यौदा, सुझाव व निर्देशन मछ्वयेवं समिति ज्याविहीन जूगु खः । वंगु फागुन २५ गते संविधान निर्माण कार्यतालिकाया झिक्वःगु संशोधन यानाः समितियात एकीकृत मस्यौदा च्वयेत लछिया ई क्वःछिउगु खः ।
संविधानसभा अन्तर्गत थीथी गुगू विषयगत समितिया मस्यौदाय् राजनीतिक सहमति मजुइवं मस्यौदा तयार जुइमफुनी ।