शनिवाः सत्यमोहनया खः जात्रा
कृतिविद् व नांजाःम्ह साहित्यकार सत्यमोहन जोशीयात थ्वहे वइगु माघ २५ गते सनिवाः यलय् तःजिक र्सार्वजनिक अभिनन्दन याइगु जूगु दु । नकतिनि क्वचाःगु वय्कःया स्वक्वःगु ज्याःजंक्वया लसताय् मंगलबजारं खतय् तयाः यल देय्या परम्परागत सापारुया लँ जुयाः देय् चाःहीकीगु ज्याझवः दु । म्हिगः छगू पत्रकार सम्मेलन यासें अभिनन्दन समा-रोह समिति व न्यकू जात्रा मतयाः व्यवस्था केन्द्रीय समितिं थ्व जानकारी बिउगु खः ।
ज्याझवः कथं वकुन्हु न्हिनय् १२ बजे कात्ति दबुली मुनाः बाजं सहित वय्कः- यात खतय् तयाः देय् चाःहीकी । अनं लिपा मंगल बजारया आदर्श कन्या माविइ र्सार्व- जनिक अभिनन्दन याइ । समारोहय् नांजाःम्ह समालोचक कृष्णचन्द्रसिं प्रधान मू पाहां जुयाः झाइगु खँ धाःगु दु ।
उगु ज्याझवलय् आः तक गबलें मजूनि कथं नौबाजं व न्यकू बाजं मंकाः रुपं छथाय् च्वनाः घौछि तक न्ह्यब्वइगु ग्वसाः दु ।
