अमेरिकाय् तारा पुजा
येँ (सन्ध्या टाइम्स)/नेपालय् बौद्ध धर्मावलम्बीतय्सं याइगु तःधंगु पुजा तारा पुजा अमेरिकाय् नं याःगु दु। वंगु फागुन २४ गते अमेरिकाया रिचमण्डय् च्वंपिं नेपाःमि व विदेशी जजमानपिनि दथुइ उगु तारा पुजा सम्पन्न याःगु खः। उकी अन च्वंपिं १५० नेपाःमि व विदेशीतय्सं जजमानया रुपय् ब्वति काःगु खः ।
डा. डिना वाङ्देलया व्यवस्थापनय् उगु तःजिगु पुजा ज्याझ्वः सम्पन्न जूगु खः। ज्याझ्वः नेपाःया वज्रयान गुरु डा. नरेश वज्राचार्य मूलाचार्य जुयाः क्वचायेकूगु खः। डा. वज्राचार्य अमेरिकाय् नेपाःया वज्रयान बुद्ध धर्म बारे ब्वंकेगु प्रचार यायेगु लागिं छुं ई न्ह्यवंनिसें उखे झाया च्वनादीगु खः ।
