सैनिकपाखें लुटपाट

येँ (सन्ध्या टाइम्स)/छथ्वः बहालवाला सैनिक जवानतय्सं राजधानीइ छम्ह मनूयात दाये फक्व दायाः वयाके च्वंगु निगू लाख तका दां लुटे याना यंकूगु दु। येँया बालाजु लागाय् म्हिगः रुकुमया खड्गबहादुर पुनयात उमिसं दायः ध्यबा लुटे याना यंकूगु खः। सैनिक लुटेरा पुचः मध्ये स्वम्हेसित प्रहरीं ज्वनाः सैनिक प्रहरीयात लःल्हाःगु दु। मेपिं प्यम्ह ति बिसिउँ वनाच्वंगु दुसा उमित नं प्रहरीं मालाच्वंगु दु। घाःपाः जूम्ह पुनयात आः जनमैत्री अस्पतालय् वासः याकातःगु दु ।