राज्य पुनर्संरचना आयोग बारे कांग्रेस-एमाले सहमित
प्रमुख सत्ता साझेदार नेपाली कांग्रेस व नेकपा (एमाले) दथुइ राज्य पुनर्संरचना आयोग गठन यानाः न्ह्याः वनीगु बारे सहमति जूगु दु । निगू दलं आयोग मार्फत हे राज्यया पुनर्संरचना यायेमाःगु निर्णय नं याःगु दु ।
बिहीवाः एमालेया संसदीय दलया ज्याकूथी च्वंगु निगू दलया बैठकय् राज्य पुनर्संरचना आयोग गठन बाहेक उच्चस्तरीय राजनीतिक संयन्त्रया संयोजन सुना यायेगु धइगु बारे नं सहलह जुसां उकीया बारे धाःसाः छुं निष्कर्ष पिकाये मफुत । बैठकं थुकीया बारे माओवादी नाप सहलह यानाः सहमति याइगु जूगु दु । अथेहे बैठकय् माओवादी लडाकुया समायोजन धुंकाः जक संविधान जारी यायेगु बारे नं निगू दल सहमत जूगु दु ।
बैठकमय् प्रधानमन्त्री माधवकुमार नेपाल, एमाले अध्यक्ष झलनाथ खनाल, नेता केपी शर्मा ओली लगायत नेतात नापं कांग्रेसपाखें कार्यवाहक सभापति सुशील कोइराला, वरिष्ठ नेता शेरबहादुर देउवा, संसदीय दलया नेता रामचन्द्र पौडेल लगायत नेतातय् ब्वति दुगु ख: ।
