ज्ञानेन्द्रयात जनकारवाही यायेगु माओवादीया ख्याच्वः
संविधानसभाय् दकलय् तःधंगु दल एकीकृत नेकपा (माओवादी)या उपाध्यक्ष नारायणकाजी श्रेष्ठ 'प्रकाशं' पुलांम्ह जुजु ज्ञानेन्द्र शाहयात जनकारवाही यायेगु ख्यच्वः बियादीगु दु ।
बिहीवाः येँय् जूगु छगू साक्षात्कार ज्याझ्वलय् न्ववानादिसें नेता प्रकाशं ज्ञानेन्द्रं अन्तरिम संविधानया मर्म व भावना विरुद्ध राजतन्त्र समाप्त मजूनीगु अभिव्यक्ति ब्यूगु धयादिसें थंज्याःगु हे अभिव्यक्ति बीयाच्वंसाः ज्ञानेन्दं जनकारीवाहीया प्रतिक्षा याःसां ज्यू धयादिल ।
वय्कलं ज्ञानेन्दया अभिव्यक्तियात प्रतिक्रान्तिकारी षड्यन्त्रया संज्ञा बियादिसें वय्कलं प्रतिक्रान्तिकारी लँपुइ लगेजुम्ह ज्ञानेन्दया सुविधा खासे यायेमाःगु धयादिल । वय्कलं चिहानय् गाडे जुइधुंकूगु राजतन्त्र पुर्नजीवित जुइगु सम्भावना मदुगु स्पष्ट यानादिसें ज्ञानेन्दयात नागाजुर्न पाखें नं लिकायेमा:गु धयादिल ।
मेगू छगू प्रशंगय् उच्चस्तरीय राजनीतिक संयन्त्रया नेतृत्वय् कांग्रेस व एमालें दावी यानाः मदुम्ह गिरिजाप्रसाद कोइराला प्रति सही अर्थय् श्रद्धाञ्जली बिमफुगु धयादिसें संयन्त्रया जिम्मा प्रचण्डयात बीमाःगु धयादिल ।
