अध्यादेशया विरोध यायेगु छु नं खँ मदु

संचारमन्त्री कृष्णबहादुर महरां सरकारं हयेत्यंगु अध्यादेशया विरोध यायेगु छु नं खँ मदुगु धयादीगु दु । वय्कलं समसामयीक विषयसं अध्यादेश हयेत्यंगु नं जानकारी बियादीगु दु ।

क्रान्तिकारी पत्रकार संघ दाङं याःगु पत्रकार नापलाये ज्याय् ज्याझ्वलय् सरकारया प्रवक्ता जुयाच्वनादीम्ह मन्त्री महरां प्रधानमन्त्री पुष्पकमल दाहाल प्रचण्डया लिपांगु सम्वोधन कार्यान्वयनया प्रकि्रयाय् न्ह्यःने न्ह्यायेधुंकूगु धयादीगु दु । उगु हे झ्वलय् संचारमन्त्री महरां श्रमजिवि पत्रकार ऐन याकनं हे लागू जुइगु धयादिसें थुकिया नितिं मन्त्रालयसं प्रकि्रया न्ह्यःने न्ह्यानाच्वंगु धयादीगु दु ।

लिसें श्रमजिवि पत्रकार ऐन न्हापां तःधंगु मिडिया हाउसपाखें लागू यायेगु धयादिसें वय्कलं दच्छियादुने फुक्क मिडिया हाउसय् लागू यायेगु प्रतिबद्धता प्वंकादीगु दु ।