पद्मज्योतिया 'द्वाफ्वःस्वां' विमोचन

यल (सन्ध्या टाइम्स)/स्व. पद्मज्योति लुमन्ति पुचःया ग्वसालय् वंगु मंगलवाः कुन्हु मदुम्ह पद्मज्योतिया झिंस्वक्वःगु लुमन्ति मुँज्या जुल। ज्याझ्वलय् संस्कृतिविद् व नेपालभाषा एकेडेमिया चान्सलर सत्यमोहन जोशीं 'द्वाफ्वःस्वां' नांगु वय्कः याकःचां हे हालातःगु म्येँ मुना सफू विमोचन यानादिल। ज्याझ्वलय् पाहांकथं झाःपिं गायक जगमोहन वामि, रचनाकार व बौद्ध विद्वान सूर्यमान बज्राचार्य व सह प्राध्यापक मोहनप्रसाद जोशीपिंसं वय्कःया लुमन्ति न्यंकादीगु खः। ज्याझ्वलय् मुँज्याया नायः सिद्धिरत्न बज्राचार्यं सफू पिथनेत खर्च बियादीपिं तीर्थ बज्राचार्य, संस्थाया संरक्षिका विष्णु माया ब्यञ्जनकारपिंत सुभाय् देछानादिल। ज्याझ्वलय् पद्मज्योति लुमन्ति पुचःया लिउनायः इन्द्र ब्यञ्जनकारं लसकुस यानादीगु खः ।