जनबहाः द्यःयात पताः

येँ (सन्ध्या टाइम्स)/जनबाहाः द्यःया रथ साला हःगु असनय् थ्यनेवं म्हिगः भिंतुना गुथि असंपाखें पताः छायेगु नापं चतांमरि ह्वलेगु ज्या यात। द्यःया रथ गनं नं मथात धाःसा स्वन्हु तक न्यायेकाः जात्रा क्वचायेकीगु जनबाहाःद्यःया जात्राया झ्वलय् म्हिगः जमलं रथ सालाः असनय् थ्यंकूगु खःसा थौं अनं नं सालाः हनुमानध्वाखाय् थ्यंकी। कन्हय् लगमय् यंकाः जनबाहाःद्यःया मांसिमा स्वचाः चाःहीकाः जात्रा क्वचायेकी ।