यातायात मजदूरं गाडी तछ्यात

येँ (सन्ध्या टाइम्स)/निगू बस व्यवसायी संगठनया कर्मचारी दथुइ ल्वापु जुयाः सुर्खेतय् अनिश्चितकालया नितिं यातायात बन्द जूगु दु। स्थानीय प्रशासनं सवारी साधन चले यायेगु सहज वातावरण तयार याये मफुगु धासें थनिंनिसें सुर्खेतया यातायात मजदूरतय्सं अनिश्चितकाल तकया निंतिं यातायात बन्द याःगु खः। बन्दं यानाः अनया जनजीवन नापं प्रभावित जूगु दु। म्हिगः अनया मध्यपश्चिम यातायात व्यवसायी व काँक्रेविहार यातायात व्यवसायी दथुइ ल्वापु जूगु खः। ल्वापुया झ्वलय् झिंच्यागः गाडी तोडफोड जूगु खः। स्थानीय प्रशासनं वार्ताया माध्यमं समस्या ज्यंकेत निगुलिं यातायात व्यवसायीया प्रतिनिधितय्त वार्ताया निंतिं कन्हय् सःतूगु दु ।