शिक्षण अस्पतलाय् आकस्मिक सेवा नं बन्द

चिकित्सक व विद्यार्थीया आन्दोलनया कारणं झिन्हु न्ह्यः निसें बहिरंग सेवा बन्द जूगु शिक्षण अस्पतालय् मंगलवाः आकस्मिक सेवा तकं बन्द जूगु दु ।

व्यवस्थापन पक्षं थःपिनिगु माग सुनुवाइ मयाःगु धासें आवासीय चिकित्सकत ज्याय् लिहांमवनेवं मंगलवाः निसें आकस्मिक सेवा नं बन्द जूगु खः । चिकित्सकतय्सं आवसीय चिकित्सक बिना आकस्मिक सेवा जारी यायेमफइगु धायेवं मंगलवाः निसें दक्वं स्वास्थ्य सेवा प्रभावित जूगु दु ।

स्नातकोत्तर तहया प्रवेश परिक्षाय् अनियमितता जूगु धासें आवासीय चिकित्सक व विद्यार्थीतय्सं थ्वस्वयां न्ह्यः आकस्मिक बाहेकया दक्वं सेवा बन्द याकूगु खः । आन्दोलित चिकित्सक व विद्यार्थीतय्सं विवादस्पद परिक्षा रद्द यायेमाःगु अनियमितता याःगु द्वपं लाःपिं डिन व सहायक डिनया राजीनामा माग याःगु दु ।