संविधानसभां शोक प्रस्ताव पारित

सोमवाः न्हिनय् स्वताः इलय् च्वंगु संविधानसभाया बैठकं संविधानसभाया दुजः नापं पुलांम्ह प्रधानमन्त्री गिरिजाप्रसाद कोइराला मदुगु शोक प्रस्ताव पारित याःगु दु । संविधानसभाया अध्यक्ष सुवासचन्द्र नेम्वाङं उगु शोक प्रस्ताव ब्वंकाः न्यंकादीगु खः । संविधानसभाया बैठकय् मदुम्ह कोइरालाया निंतिं छगू मिनेट मौन धारण नं याःगु खः । शोक प्रस्ताव पारित जुइवं बैठक स्थगित या:गु ख: ।

संविधानसभा पाखें शोक प्रस्ताव पारित जूगु थ्व न्हापांगु खुसीइ खः । थ्व स्वयां न्ह्यः व्यवस्थापिका संसदं शोक प्रस्ताव याइगु खःसां तत्काल व्यवस्थापिका संसदया अधिवेशन शुरु मजूगुलिं संविधानसभा पाखें हे शोक प्रस्ताव पारित याःगु खः ।