माओवादी प्रशिक्षण
निगू पार्टीदथुइया एकतालिपा एकीकृत नेकपा माओवादीया नेवाः राज्य समितिया राजनीतिक प्रशिक्षण ज्याझ्वः थौं न्ह्याःगु दु । यलया खन्ना गार्मेन्टय् न्ह्याःगु प्रशिक्षणय् निगू पार्टी एकतालिपाया अवस्था आःया वर्तमानस्थिति पार्टीं म्हितेमाःगु भूमिकाया विषयसं नेतातय्सं प्रशिक्षण बियादीगु खः ।
उगु हे ज्याझ्वलय् न्वंवानादिसें एकीकृत माओवादीया नेता नारायणकाजी श्रेष्ठं देय् थ्व इलय् विखण्डनया खतराय् दुगु धयादीगु दु । नेता श्रेष्ठं विखण्डनकारी तत्वतपाखें संविधान दयेके मब्यूसे देय्यात असफल यानाः साम्राज्यवादी विस्तारवादीतय्सं थःगु हस्तक्षेप अप्वयेकेत स्वःगु धयादीगु दु । अथेहे वय्कलं आः एकीकृत माओवादीं जनताया संघीय लोकतान्त्रिक राष्ट्रिय गणतन्त्रया नाराया आधारय् संविधानया खाका दयेकाः वनेगु धयादीगु दु ।
संविधानसभापाखें जनताया संविधान दयेके मब्यूसा जनविद्रोहपाखें सत्ता कब्जा यायेगु श्रेष्ठया धापू दु ।
वय्कलं सरकार सदन व सतकपाखें जनताया पक्षय् प्रभावकारी ज्या यायेत थःपिं न्ह्यज्यनाच्वनेगु धयादीगु दु । ज्याझ्वलय् एकीकृत माओवादीया मेम्ह नेता वर्षमान पुन अनन्त नेवाः राज्य समितिया ईन्चार्ज हितमान शाक्य लगायतया मेमेपिं आपालं नेतातय्गु ब्वति दुगु खः । प्रशिक्षणय् येँ यल ख्वप व थीथी मोर्चा जनवर्गीय संगठन व विभागया जिल्लास्तरीय नेतात यानाः िझंन्यासः म्ह कार्यकर्तातय्गु ब्वति दुगु खः ।
