लभ म्यारिज याःपिनि छेँ च्याकल
येँ (सन्ध्या टाइम्स)/लभ म्यारिजपाखें रुष्ट जूगु छगू पुचलं विरगन्ज उपमहानगरपालिका वडा नं.१५ या मूर्ली लागाय् छखा छेँय् मि तया बिउगु दु ।
वंगु चान्हय् मोटरसाइकल वया वःपिं निम्ह स्वम्ह मनूतयसं स्थानीय दशै महत्तोया छेँय् पेट्रोल छ्वाकाः मि तया बिउगु खः। मिं नयाः उगु छेँया फर्निचर, टिभी, वसः लगायतया सामान नष्ट जूगु दु। दमकल व स्थानीय मनूतय्सं उगु मि स्याःगु खः ।
महत्तोया काय रुपेश महत्तों जःलाखःला राजदेव महत्तोया म्ह्याय् लिलावतीयात यःत्यः यानाः लभ म्यारिज याःगुलिं व खनाः तम्वःपिं मिसा पक्षया मनूतय्सं हे अथे छेँय् मि तया बिउगु खँ स्थानीय अजय चौधरीं कनादीगु दु ।
