ग्याँस ट्याङ्कर मिं नयाः प्यम्ह घाःपाः
येँ (सन्ध्या टाइम्स)/बारा जिल्लाया रामपुर टोकनी लागाय् च्वंगु ग्याँस उद्योगय् तयातःगु एलपी ग्याँसया ट्याङकरय् मिं नयाः प्यम्ह घाःपाः जूगु दु। थौं सुथय् आकाझाकां उगु मिं नःगु खँ प्रहरीं धाःगु दु ।
मिं नयाः ट्याङकर ध्वस्त जूगु दुसा उगु घटनाय् लानाः घाःपाः जूपिं मनूतय्त वासः यायेगु ज्या जुयाच्वंगु दु। उगु घटना जूगु इलय् लिक्क दुपिं मनूत घाःपाः जूगु खःसा इमिगु नां व थाय्बाय् धाःसा सीके फुगु मदुनि। उगु घटनायात कयाः अनुसन्धान जुयाच्वंगु दु ।
