खबर न्यनेवं ह्दयाघात

येँ (सन्ध्या टाइम्स)/नेपाली कांग्रेसया सभापति गिरिजाप्रसाद कोइराला मदुगु खबर न्यनेवं धनकुटाया छम्ह मनू ह्दयाघात जुयाः मंत। म्हिगः बहनी टेलिभिजन स्वस्वं हे कोइराला मदुगु खबर न्यनेवं अनया ७० दँया भाजु शिवकुमार उदास ह्दयाघात जुयाः मदुगु खः। मदुम्ह उदास जिल्लाया कांग्रेस कार्यकर्ता खः। आः वय्कःयात नं पार्टीया ध्वाँय् फायेकाः थौं अनया मुलघाटय् अन्तिम संस्कार यायेत्यंगु दु ।