पर्यटन आगमनय् वृद्धि

नेपालय् सन् २००९ या जनवरीइ वंगु दँया उगु हे महिनाया तुलनाय् झिंन्यागू दशमलव च्यागू प्रतिशतं पर्यटन आगमनय् वृद्धि जूगु दु । त्रिभुवन अन्तर्राष्ट्रिय विमानस्थल अध्यागमन ज्याकुयाकथं जनवरी महिनाय् हवाई मार्ग जुयाः नीछद्धः व गुसः व पीप्यम्ह पर्यटक नेपाः दुहाँवःगु दु ।

दक्षिण एसियाया मुलुकत पाकिस्तान बङ्गलादेश व श्रीलंङ्का थ्व अवधिइ छसिकथं नीगूंगु दशमलव गुंगू प्रतिशत खुगू दशमलव खुगू प्रतिशत व झिंस्वंगू दशमलव स्वंगू प्रतिशतं पर्यटक आगमनय् वृद्धि जूगु तर भारतय् धाःसा न्हापाया महिनाय् झिंन्ह्येगू दशमलव खुगू प्रतिशतं म्हो जूगु दु ।

अथेहे मेमेगु एसियाली मुलुकत चीनपाखें पीच्यागू दशमलव च्यागू सिङ्गापुरपाखें स्वीगू दशमलव स्वंगू व थाइल्यान्डपाखें नीगूंगु दशमलव च्यागू प्रतिशतं पर्यटक आगमनय् वृद्धि जूगु दु । तर जापान व दक्षिण कोरियापाखें धाःसा पर्यटक आगमनय् म्हो जूगु पर्यटन बोर्डं जानकारी ब्यूगु दु ।