विरामी कोइरालायात नं पासपोर्टया हे चिन्ता
मलेशिया (बीबीसी)/नेपाली कांग्रेसया सभापति गिरिजाप्रसाद कोइरालाया स्वास्थ्ययात कयाः सकलें चिन्तित जुयाच्वंगु दु। तर स्वय्म भाजु कोइरालाया धाःसा मेगु हे खँय् चिन्तित जुयाच्वन। वय्कःयात चिन्ता जुयाच्वंगु विषय जुयाच्वन मेशिन रिडेबल पासपोर्टया ।
थः म्ह्याय् एवं परराष्ट्र मन्त्री सुजाता कोइरालां थ्व पासपोर्ट भारतय् छापे याकेगु धकाः तयारी जुइधुंकाः आः मन्त्रिपरिषदं पना बिउ गुलिं अलपत्र जुयाच्वंगु दु। उकुन्हु थःत विरामी स्वः वःम्ह प्रधानमन्त्री माधव नेपाललिसे भाजु कोइरालां मेगु खँ स्वयां अप्वः थ्व मेशिनया खँ निं ल्हानादीगु खँ सूत्रं धाःगु दु। वय्कलं उगु पासपोर्ट छापे यायेगु ज्या म्ह्याय् सुजातां व्यवस्था यानातः थें हे याःसा जिउ धइगु आशय प्वंकादीगु खँ नं सूत्रं धाःगु दु। लिसलय् प्रम नेपालं थुकिया बारे थम्हं बुझे यानाः स्वये धयादीगु खः। तर थुकिया बारे छुं निर्णय धाःसा आः तकं मजूनि ।
