राज्य व्यवस्था समिति

संविधानसभा व्यबस्थापिकादुनेया राज्य व्यवस्था समिितं सेना समायोजबारे रक्षामन्त्री व शान्ति सुरक्षाबारेया गृह मन्त्रीलिसे जानकारी कायेगु निर्णय याःगु दु । सेनाया भर्ना प्रकि्रया सेना समायोजन थेंज्याःगु विषयसं छुं दिं न्ह्यः ब्यागलं ब्यागलं बिचाः पिने वयाच्वंगु धासें समितिया दुजःतय्सं सः तयेवं समितिया सभापति रामनाथ ढकालं सम्बन्धीत मन्त्रीयात सःता निर्णय यानादीगु खः । अथेहे समिितं सरकारं पलिस्था यायेत्यंगु सेवा केन्द्र पलिस्थाया विवाद शान्ति सुरक्षा पत्रकार हत्या लगायतया विषयसं सहलह यायेत गृहमन्त्रीयात सःतेगु निर्णय याःगु दु ।

बैठकं निम्ह मन्त्रीयात वइगु २९ गते समितिइ सःताः जानकारी कायेत्यंगु खः । समितिया बैठकय् न्वंवानादिसें माओवादी प्रबक्ता दिनानाथ शर्मां सरकारं याःगु निर्णययात राजनीतिकरण जुयाच्वंगु धयादीगु दु ।