लुँया भावय् हानं न्हूगु रेकर्ड
भावं हानं न्हूगु रेकर्ड तःगु दु । लुँया भाः प्रति तोला २६ हजार ५०० तका कायम जुसें आः तकया हे दकलय् थिकेगु रेकर्ड तःगु खः । वंगु माघ १२ गते तिनि २६ हजार ३०० तका प्रति तोला कायम जुयाः न्हूगु रेकर्ड तःगु खःसा वयां लिपा भाः कुहां वयेगु शुरु जूगु खः । तर थौं हानं भाः थहां वनाः तोलां २६ हजार ५०० तका थ्यंगु दु ।
लुँयागु भाः वंगु आश्विन २७ गते तोलां २५ हजार ५०० तका थ्यंगु खःसा प्यला लिपा तोलां द्वःछि थहां वनाः हानं न्हूगु रेकर्ड तःगु खः ।
अन्तर्राष्ट्रिय बजारय् धाःसा प्रति औंश ९०३ डलर तिनि थ्यंगु दु । थ्व भाः छक्वः द्वःछि डलरं थहां वनेधुंकूगु खः।
