नबलपरासीया देउराली गां बर्डफ्लू संटकग्रस्त लागा घोषणा
येँ (सन्ध्या टाइम्स)/सीपिं हँय् व खाचायाके बर्डफ्लू दुगु पुष्टि जुइवं नबलपरासीया देउराली गाविस व अनया जःखः च्वंगु लागायात संकटग्रस्त लागा घोषणा याःगु दु ।
ल्वय् नियन्त्रणया नितिं देउराली गाविस वडा नं. ५ झ्यालबासया ५०० मिटर जःखः प्यखेरं च्वंगु लागायात थौं बर्डफ्लू संकटग्रस्त लागा घोषणा याःगु खः। नबलपरासी जिल्ला प्रशासनं थौं सुथय् याःगु पत्रकार सम्मेलनय् पशु सेवा बिभागया ईन्चार्ज डा. परशुराम भुसालं थनिंनिसें हे कन्ट्रोलरुम स्थापना यानाः ल्वय् नियन्त्रण यायेगु जानकरी बियादीगु दु। थनिंनिसें हे हँय्, खा, पंछी व पंछीजन्य सामग्रीयात माःगु कथं क्षतिपूर्ति बियाः नष्ट यायेगु जुइ धकाः नं वय्कलं जानकारी बियादिल। वंगु फागुन २१ गते आकाझाकां छेँय् लहिनातःपिं हँय् व खा सीवं स्थानीय बलबहादुर बागेवलाया खा परीक्षणया निंतिं अन्तर्राष्ट्रिय प्रयोगशालाय् छ्वःगु खःसा सीपिं पंछीतय्के बर्डफ्लू लुयावःगु खने दयेवं थ्व निर्णय याःगु खः ।
