'नारायणी व सुनकोशी प्रदेश खारेज या'
येँ (सन्ध्या टाइम्स)/आदिवासी जनजाति वृहत् संयुक्त मोर्चां नारायणी व सुनकोशी प्रदेश खारेज यायेमाःगु माग यासें थौं संविधानसभाया सभामुख सुवास नेम्वाङयात ज्ञापनपत्र लःल्हाइगु जूगु दु ।
संविधानसभाया राज्य पुनर्संरचना नापं राज्य शक्ति बाँडफाँड समितिं तयार याःगु झिंप्यंगू प्रदेश सहितया राज्य पुनर्संरचनाया प्रस्तावयात कयाः थौं ज्ञापनपत्र बीत्यनागु खँ मोर्चाया छ्याञ्जे कुमार तामाङं कनादीगु दु। वय्कलं तराईया सवालय् थारूतय्सं माग यानाच्वं थें हे थारुहट स्वायत्त प्रदेश नापं तराई बहुप्रदेश जुइमाःगु मागया खँ नापं आदिवासी जनजाति नाप स्वापू दुगु मेमेगु खँ नं ज्ञापनपत्रय् दुथ्याइगु जानकारी बियादिल ।
थःपिनि माग पूरा मजुल धाःसा नेपाःया आदिवासी जनजाति सकलें जानाः आन्दोलन यायेगु जुइ धकाः नं मोर्चां धाःगु दु। नारायणी व सुनकोशी प्रदेश थीथी जनजातिया भूमि क्वत्यलाः निर्माण याःगु दावी जनजातितय्सं यानाच्वंगु दु ।
