क्याम्पसय् क्याम्पस प्रमुख हे निषेध
येँ (सन्ध्या टाइम्स)/नेपाल विद्यार्थी संगठनया विद्यार्थीतय्सं कञ्चनपुर महेन्द्ररत्न लागाया सिद्धनाथ बहुमखी क्याम्सया प्रमुख व क्याम्पस संचालक समितिया नायःयात क्याम्पस प्रवेश निषेध याःगु दु। स्ववियु निर्वाचनया मिति घोषणाया नितिं इनाप याःसां नं वेवास्ता याःगुलिं क्याम्पस प्रमुख भारती जोशी व संचालक संमितिया नायः सुरेन्द्र बिष्टयात क्याम्पसय् हे दुमकायेगु घोषणा विद्यार्थीतय्सं याःगु खः। उखे अखिल क्रान्तिकारीं धाःसा छुं छुं शिक्षकतय्त अवकाश बियाः जक स्ववियूया चुनाव यायेमाःगु माग याःगु दु ।
