द्यनाच्वंम्हेसित गोलीं कयेकल

येँ (सन्ध्या टाइम्स)/मकवानपुर जिल्लाया मनहरी लागाय् थःगु हे छेँय् द्यनाच्वंम्ह छम्ह मनूयात अज्ञात पुचलं गोलीं कयेकाः गम्भीर घाःपाः याना बिउगु दु। वय्कःयात छगः गोलीं कःगु खः। मनहरी गाविस वडा नं. ७ या हरिबहादुर स्याङतानयात अथे गोलीं कयेकाः गम्भीर घाःपाः याना बिउगु खः ।

घाःपाः जूम्ह स्याङतानयात चितवनय् प्रारम्भिक वासः यानाः थप वासः याकेत येँय् हःगु दु। गोलीं सुनां कयेकूगु खः आः तक सीके मफुनिसा उगु घटनायात कयाः प्रहरीं अनुसन्धान यानाच्वंगु दु ।