कांग्रेसं अध्यादेश फेल याइगु
सरकारं संसद क्वचायेधुंकाः हःगु अध्यादेशयात विपक्षी पार्टी कांग्रेस असफल याइगु जूगु दु । संसदयात 'बाइपास' यासें अध्यादेश हःगु धासें कांग्रेसं थ्व नीति ज्वंगु खः ।बैठकं सरकारं जबर्जस्ति अध्यादेश पारित यायेत स्वल धाःसा सदन व सतकय् आन्दोलन यायेगु निर्ण नं याःगु दु ।
थ्वहे झवलय् अध्यादेशयात कयाः कांग्रेस सभापति गिरिजाप्रसाद कोइरालां थौं न्हिनय् कांग्रेसया आधिकारिक धारणा पित बीगु तयारी यानाच्वंगु दु ।
उखे सरकारं हःगु अध्यादेशयात कयाः सत्तारुढ पार्टीसं हे विरोध प्वंकेवं थौं च्वने धाःगु मन्त्रिपरिषदया बैठक स्थगित जूगु दु । थौं च्वनीगु मन्त्रिपरिषद्या बैठकय् मेगु स्वंगू अध्यादेश बारे सहलह यायेगु ग्वसाः दुगु खः । आः सरकारं थुकिया बारे मेगु सत्तारुढ पार्टी कांग्रेस लिसे सहलह यानाः जक मन्त्रिपरिषद बैठक च्वनी धाःगु दु ।
मेखे सरकारं छ्वयाहःगु अध्यादेशयात राष्ट्रपति डा. रामवरण यादवं नं याउँक लालमोहर तइगु सम्भावना खने मदुनि । वय्कलं थुकिया बारे 'परामर्श' कयादीगु दु।
