वादेय् नेवाः संघया निक्वःगु तःमुँज्या
यल (सन्ध्या टाइम्स)/नेपाल लोकतान्त्रिक नेवाः संघ वादे कचाया निक्वःगु तःमुँज्या क्वचाल। तःमुँज्यां नेवाः प्रदेशया निंतिं नेवाःत अझ छप्पँ जुइमाःगु आवश्यकताय् बः बिल। मूपाहां नापं संघया केन्द्रीय न्वकु हरिकृष्ण ब्यजनकारं मुँज्याय् संघया गतिविधि, नेकपा (एमाले)या राज्य पुनर्संरचना सम्बन्धी अवधारणा बारे कनादीगु खः ।
तःमुँज्यां वादेया न्हूगु कचा पुचः महेश श्रेष्ठया सभापतित्वय् स्वंगु दु। कचाय् न्वकु हरिमुकुन्द राजोपाध्याय, छ्याञ्जे राजभाई महर्जन, दांभरिं राजबाबु श्रेष्ठ, दुजलय् रविन्द्र राजभण्डारी, बालकृष्ण महर्जन, नारायण श्रेष्ठ व श्यामकृष्ण महर्जनपिं ल्यःगु खः ।
