मैत्रय् युवा संघया झिंस्वदँ बुन्हि
ख्वप (सन्ध्या टाइम्स)/मैत्रय युवा संघया झिंक्वःगु बुन्हि थनया थथुबहिली छगू ज्याझ्वः यासें क्वचाल। भिक्षु संघरक्षित मूपाहां कथं बिज्याःगु उगु ज्याझ्वलय् संघयात ग्वाहालि बिउगु ख्वपया थथुबही विकास समिति, भक्तपुर बौद्ध सम्पदा संघ, अन्तर्राष्ट्रिय बौद्ध भावना केन्द्रयात सुभाय्पौ नं लःल्हाःगु खः ।
दांभरि रुद्र चित्रकारं आर्थिक प्रतिवेदन व लिउ छ्यांज्ये कृष्णचन्द्र वज्राचार्यं वार्षिक प्रतिवेदन न्ह्यब्वःगु उगु ज्याझ्वलय् थीथी बौद्ध विद्वानपिंसं भिंतुना बियादीगु खः। संघया अध्यक्ष तीर्थराज वज्राचार्यया सभापतित्वय् जूगु उगु ज्याझ्वलय् सल्लाहकार लक्ष्मीचन्द्र वज्राचार्यं लसकुस यानादीगु खःसा संजय शाक्यं सुभाय् बियादीगु खः। पंचशील ग्रहण यानाः ज्याझ्वः न्ह्याकूगु खः ।
बुद्ध धर्मया माध्यमं ल्याय्म्ह पुस्तायात भिंगु लँय् यंकेगु तातुनाः थुगु मैत्रय युवा संघ स्थानीय ल्याय्म्हतय् सक्रियताय् नीस्वंगु खः ।
