थौं तिंख्यलय् द्यः ल्वाकीगु

येँ (सन्ध्या टाइम्स)/दँय्दसं थें थौं नं बहनी तिंख्यलय् द्यः ल्वाकेत्यंगु दु। थौं बहनी १० बजे थ्व द्यः ल्वाकीगु ज्याझ्वः दु। उखे थौं न्हिनय् तिंख्यलय् हे घोडाजात्रा ज्याझ्वः नं यायेत्यंगु दु। नेपाली सेनां थःगु कला न्ह्यब्वयाः थ्व जात्रा याइगु खः। समारोहय् राष्ट्रपति डा. रामवरण यादव नं सहभागी जुयादी। अथे हे यलय् थौं बालकुमारीइ कांम्ह सल ब्वाकीगु चलन दु ।