दुर्घटनाय् लानाः प्यम्ह सित
येँ (सन्ध्या टाइम्स)/पूर्वपश्चिम राजमार्ग अन्तर्गत सुनसरीया झोक्राहा लागाय् मोटरसाइकल दुर्घटनाय् लानाः निम्ह मनू सीगु दु ।
दुर्घटनाय् लानाः १८ दँया महेशकुमार साह व मेम्ह छम्ह सीगु खः। छम्हेसिया सनाखत मजूनि। पूर्वपाखे वनाच्वंगु को. ५ प ८८५३ नम्बरया मोटरसाइकल वंगु चान्हय् लँय् सिमाय् ठक्कर नयाः दुर्घटना जूगु खः ।
अथे हे सिन्धुपाल्चोकया कडेरी नांगु खुसिइ डुबे जुयाः निम्ह मस्त सीगु दु। वंगु चान्हय् दिर्घमाया तामाङ व निरमाया तामाङ सीगु खः ।
