संविधानय् बौद्धिक अपांग अधिकार

येँ (सन्ध्या टाइम्स)/संविधानय् बौद्धिक अपांगता दुपिं मनूतय् हक व अधिकार नं समावेश यायेमाःगु माग बौद्धिक अपांगताया अभिभावकतय् संजाल 'एनएफयु नेपाल नेटवर्कं' याःगु दु। थुगु विषयय् आः नकतिनि क्वचाःगु निन्हुयंकंया प्रशिक्षण ज्याझ्वलय् थ्व माग जूगु खः। देय्या २३ गू जिल्लां वःपिं बौद्धिक अपांगताया अभिभावकतय्सं ब्वति काःगु उगु प्रशिक्षण ज्याझ्वलय् प्रशिक्षक शम्भु राईं थ्व विषयय् प्रशिक्षण बियादीगु खःसा अधिवक्ता मुकुन्द दाहालं मनूया रुपय् म्वाये दइगु कानुनी हैसियत बारे ध्वाथुइकादीगु खः। धुलिखेल बौद्धिक अपाङ्ग अभिभावक संघया अध्यक्ष यादव श्रेष्ठ, एनएफयुया सल्लाहकार राधेश्याम कमारों नं ज्याझ्वलय् बिचाः प्वंकादीगु खः ।