पास्कोया अभिव्यक्ति कुटनीतिक मर्यादा विपरीत : सरकार
सरकारं संयुक्त राष्ट्रसंघया राजनीतिक मामिला सम्बन्धी उपमहासचिव बी लिन पास्कों बियादीगु अभिव्यक्ति कुटनीतिक मर्यादा विपरीत जूगु धासें आपत्ति प्वंकूगु दु । नापं सरकारं पास्कोयात कुटनीतिक मर्यादा व सीमा दुने च्वनाः अभिव्यक्ति बीत ध्यानाकर्षण नं याकूगु दु ।
आइतवाः सुथय् च्वंगु मन्त्रिपरिषदया बैठकं सरकारं अनमिन नाप छुं नं कथंया गोप्य दस्तावेज मफ्वंगु धासें माओवादी लडाकुया भरणपोषणया निंतिं लडाकुया परिचयपत्र सहितया विवरण फ्वनाःगु खँ धाःगु दु । बैठक लिपाः सरकारया प्रवक्ता शंकर पोखरेलं शान्ति प्रकृयाया सम्बन्धय् पास्कों ब्यूगु अत्तिव्यक्ति प्रति सरकारया गम्भीर ध्यानाकर्षण जूगु धयादिल ।
स्वन्हून्यंकया नेपाः भ्रमणया झ्वलय् पस्कों शान्ति सम्झौता कथं निगूलिं सेनाया ल्याः सम्बन्धी सुचं गोप्य जुइगुलिं उकी बारे अनमिनं जानकारी बीमफइगु धयादीगु खः । नापं वय्कलं दलतय्सं थःपिंसं द्वंकूगु खँ सुस्केत अनमिनया ज्याखँ प्रति कुंखिनाच्वंगु द्वपं बियादीगु खः ।
